ຕອນນີ້ມີຜູ້ຄົນຫຼາຍກວ່າ 500,000 ຄົນ ເສຍຊີວິດເນື່ອງຈາກການລະບາດຂອງ Covid-19 ຕາມການລາຍງານຂອງມະຫາວິທະຍາໄລ Johns Hopkins ໃນສະຫະລັດອາເມລິກາ
ມະຫາວິທະຍາໄລ Johns Hopkins ລາຍງານວ່າໄວຣັດດັ່ງກ່າວເກີດຂຶ້ນໃນປະເທດຈີນເມື່ອປາຍປີທີ່ແລ້ວ ຜູ້ຕິດເຊື້ອເຄີ່ງໜຶ່ງຂອງໂລກແມ່ນຢູ່ໃນ ອາເມລີກາ ແລະ ເອີລົບ ແຕ່ປັດຈຸບັນ Covid-19 ແຜ່ລະບາດຢ່າງວ່ອງໄວໃນອາເມລິກາ
ໄວຣັດດັ່ງກ່າວຍັງສົ່ງຜົນກະທົບຕໍ່ອາຊີໃຕ້ ແລະ ອາຟຣິກາ ເຊິ່ງຄາດວ່າຈະຍັງບໍ່ຮອດຈຸດສູງສຸດຈົນກວ່າຈະຮອດສິ້ນເດືອນກໍລະກົດ
ການລະບາດຍັງຄົງແປແຜ່ກະຈາຍໃນຫຼາຍສ່ວນຂອງໂລກໂດຍມີຜູ້ຕິດເຊື້ອໃໝ່ຫຼາຍກວ່າໜຶ່ງລ້ານຄົນໃນຫົກມື້ທີ່ຜ່ານມາ
ສະຫະລັດ ລາຍງານວ່າມີຜູ້ຕິດເຊື້ອ 2.5 ລ້ານຄົນ ແລະ ເສຍຊີວິດ 125,000 ຄົນ ຈາກ Covid-19 ຫຼາຍກວ່າປະເທດອື່ນໆ
ສະຖິຕິຈາກຫຼາຍປະເທດສະແດງໃຫ້ເຫັນວ່າຄົນຜິວດຳ ແລະ ຄົນອາຊີ ມີແນວໂນ້ມທີ່ຈະໄດ້ຮັບຜົນກະທົບຢ່າງຮຸນແຮງຈາກໄວຣັດ ຫຼາຍກວ່າຄົນຜິວຂາວ
ປະເທດທີ່ມີຜູ້ຕິດເຊື້ອເປັນອັນດັບສອງແມ່ນ Brazil ມີຈຳນວນ 1.3 ລ້ານຄົນ ແລະ ເສຍຊີວິດຫຼາຍກວ່າ 57,000 ຄົນ
ເຖິງຈະມີຄື້ນຜູ້ຕິດເຊື້ອຮອບໃໝ່ ແຕ່ນະຄອນ ຣິໂອເດຈາເນໂຣ ໄດ້ອະນຸຍາດໃຫ້ເດີ່ນເຕະບານເປີດໃຫ້ແຟນບ້ານເຂົ້າ 10 ກໍລະກົດ ເລີ່ມຕົ້ນທີ່ຄວາມຈຸ 1 ໃນສາມຂອງເດີ່ນ
ວັນອາທິດທີ່ຜ່ານມາປະເທດຈີນ ໄດ້ອອດມາດຕະການຄວບຄຸມຢ່າງເຂັ້ມງວດໃກ້ກັບນະຄອນປັກກິ່ງ ເພື່ອຄວາມຄຸມການແຜ່ລະບາດຂອງໂລກ ເກືອບເຄີ່ງລ້ານຕຄົນຈະຖືກກັນບໍ່ໃຫ້ເຂົ້າອອກ
ความคิดเห็น
แสดงความคิดเห็น