ດາວທຽມສຳຫຼວດ Hope ຂອງສະຫະລັດອາລັບເອມີເຣດ ເດີນທາງສູ່ດາວອັງຄານແລ້ວ ນັບເປັນພາລະກິດດ້ານອະວະກາດຄັ້ງປະຫວັດສາດຂອງປະເທດ ຫຼັງຈາກການປ່ອຍດາວທຽມຖືກເລື່ອນເຖິງ 2 ເທື່ອ ເນື່ອງຈາກສະພາບອາກາດບໍ່ອຳນວຍ
ດາວທຽມ Hope ເຊິ່ງມີນ້ຳໜັກ 1.3 ໂຕນ ຖືກສົ່ງຂຶ້ນສູ່ອະວະກາດ ດ້ວຍຈະຫຼວດ H2-A ຈາກຖານປ່ອຍ ທາເນກາຊິມະ ຂອງຢີ່ປຸ່ນເມື່ອວັນທີ 19 ກໍລະກົດທີ່ຜ່ານມາ
ເຊີ່ງຕອນນີ້ດາວທຽມຢູ່ລະຫວ່າງການເດີນທາງໄປຍັງດາວອັງຄານ ເຊິ່ງໄລຍະທາງປະມານ 500 ລ້ານກິໂລແມັດ ໂດຍຄາດວ່າຈະຮອດຈຸດໝາຍໃນເດືອນກຸມພາ 2021 ເພື່ອສຳຫຼວດສະພາບອາກາດ ແລະ ພູມີອາກາດຂອງດາວອັງຄານ
ຖ້າທຸກຢ່າງເປັນໄປຕາມແຜນ ດາວທຽມ Hope ຈະໄປຮອດດາວອັງຄານທັນເວລາຄົບຮອບ 50 ປີ ຂອງການສະຖາປະນາປະເທດສະຫະລັດອາລັບເອມເຣດພໍດີ
Sarah Al Amiri ລັດຖະມົນຕີດ້ານວິທະຍາສາດຊັ້ນສູງຂອງ UAE ເຊິ່ງເປັນຫົວໜ້າໂຄງການນີ້ ສະແດງຄວາມຮູ້ສຶກຕື່ນເຕັ້ນ ພ້ອມກັບໂລ່ງໃຈຫຼັງຈາກຈະຫຼວດພາດາວທຽມຂຶ້ນສູ່ທ້ອງຟ້າໂດຍບໍ່ມີປັນຫາ
ລັດຖະມົນຕີຍິງຜູ້ນີ້ບອກວ່າ ປະຕິກິລິຍາຂອງຜູ້ຄົນໃນປະເທດ ຕອນທີ່ເຫັນຈະຫຼວດທະຍານຂຶ້ນໄປນັ້ນ ໃກ້ຄຽງກັບສິ່ງທີ່ເກີດຂຶ້ນ ໃນສະຫະລັດອາເມລິກາ ຕອນທີ່ຍານ ອະພອລໂລ 11 ລົງຈອດທີ່ດວງຈັນເມື່ອ 51 ປີກ່ອນ
"ພາບນີ້ຈະຢູ່ໃນໃຈຂອງຄົນ UAE ທຸກຄົນທີ່ຢູ່ຮ່ວມໃນຊ່ວງເວລາປະຫວັດສາດນີ້ ແລ້ຈະເປັນແຮງບັນດານໃຈໃຫ້ເຮົາພັດທະນາຕໍ່ໄປ ແລະ ຝັນໃຫ້ໄກກວ່າເກົ່າ" ລັດຖະມົນຕີ Amiri ກ່າວ
ເປັນຫຍັງ UAE ຈຶ່ງຈະໄປດາວອັັງຄານ
ສະຫະລັດອາລັບເອມິເຣດ ມີປະສົບການບໍ່ຫລາຍໃນກ້ານການອອກແບບ ແລະ ຜະລິດຍານອະວະກາດ ແຕ່ກໍ່ຍັງພະຍາຍາມເຮັດໃນສິ່ງທີມີພຽງ ສະຫະລັດ, ລັດເຊຍ, ເອີຣົບ ແລະ ອິນເດຍ ເຮັດໄດ້ສຳເລັດ ວິສະວະກອນຂອງ UAE ເຊິ່ງໄດ້ຮັບຄຳແນະນຳຈາກຜູ້ຊ່ຽວຊານຂອງສະຫະລັດ ໄດ້ຜະລິດດາວທຽມທີ່ຊັບຊ້ອນໄດ້ສຳເລັດ ໃນເວລາພຽງ 6 ປີ ແລະ ເມື່ອກາວທຽມນີ້ເດີນທາງໄປຮອດດາວອັງຄານ ຄາດວ່າມັນຈະສົ່ງຂໍ້ມູນໃຫມ່ທາງວິທະຍາສາດກັບມາ ເຜີຍໃຫ້ເຫັນລາຍລະອຽດ ການເຮັດວຽກຂອງຊັ້ນບັນຍາກາດດາວອັງຄານ
ນັກວິທະຍາສາດຄິດວ່າ ມັນອາດຊ່ວຍໃຫ້ເຮົາເຂົ້າໃຈໄດ້ດີຂຶ້ນວ່າ ດາວອັງຄານສູນເສຍແາກາດ ແລະ ນ້ຳຈຳນວນຫຼາຍໄປໄດ້ແນວໃດ
ດາວທຽມ Hope ປຽບເຫມືອນເປັນຍານແຫ່ງແຮງບັນດານໃຈ ທີ່ຈະຊ່ວຍດຶງດູດໃຫ້ຄົນໜຸ່ມສາວໃນ UAE ແລະ ທົ່ວພູມິພາກອາຣັບຫັ້ນມາສົນໃຈວິທະຍາສາດໃນໂຮງຮຽນ ແລະ ໃນການສຶກສາລະດັບສູງຂຶ້ນ
ດາວທຽມນີ້ເປັນໜຶ່ງໃນໂຄງການທີລັດຖະບານ UAE ບອກວ່າ ສະແດງໃຫ້ເຫັນເຖິງຄວາມຕັ້ງໃຈ ຂອງ UAE ທີ່ຈະລົດການເພິ່ງພານ້ຳມັນ ແລະ ກາສ ໂດຍຫັ້ນໄປໃຫ້ຄວາມສຳຄັນກັບເສດຖະກິດທີ່ຕ້ອງໃຊ້ສິທະຍາສາດແທນ
ແຕ່ການເດີນທາງໄປດາວອັງຄານ ມີຄວາມສ່ຽງສຸງ ເຄິ່ງຫນຶ່ງຂອງພາລະກິດທີ່ຖືກສົ່ງໄປດາວອັງຄານບໍ່ສຳເລັດ ຜູ້ອຳນວຍການໂຄງການ Hope ຕະໜັກເຖິງອັນຕະລາຍເຫຼົ່ານີ້ ແຕ່ຢືນົັນວ່າ ການລອງເຮັດປມ່ນສິ່ງທີ່ຖືກຕ້ອງ
Credit: bbc.com
ความคิดเห็น
แสดงความคิดเห็น